હાલાં હાલાં હાલાં રે, ઢીંગલીને મારી હાલાં.

               

વાદળનું તો પારણું બાંધ્યું ને તારાની હીંચકા દોરી,

ચાંદામામા લાડ લડાવે પરી રાણી કરે લોરી,

હાલાં હાલાં હાલાં રે, ઢીંગલીને મારી હાલાં.

સૂઈ જા ઓ મારી ઢીંગલી બેના રાત હવે પડવાની,

નાની નાની આંખો મીચી નીંદરડી જો મજાની,

હાલાં હાલાં હાલાં રે, ઢીંગલીને મારી હાલાં.

નીંદરડીએ પોઢીને તમે પવન પાંખે ઉડજો,

પંખીઓના મીઠાં મીઠાં ગીતો તમે સૂણજો,

હાલાં હાલાં હાલાં રે, ઢીંગલીને મારી હાલાં.

બાળ ગીત  જ્ઞાન સરિતા વિદ્યાલય 

મારા આંગણામાં પોપટ મીઠું બોલે,

સીતા રામ સીતા રામ  ધીમું બોલે.

ગળે કાળો છે કાંઠલો ને લીલો લીલો રંગ,

એની વાંકી ચાંચલડીનો  લાલ લાલ રંગ.

એ તો  હીંચકે બેસીને  ઝૂલા ઝૂલે,

સીતા રામ સીતા રામ  ધીમું બોલે.

મારા આંગણામાં પોપટ મીઠું બોલે,

સીતા રામ સીતા રામ  ધીમું બોલે.

એને પેરુ ભાવે ને લીલા મરચાં એ ખાય,

એને ખાતો  જોઈને  મારું મનડું હરખાય.

એ તો મસ્તીમાં આવી  થૈ થૈ ડોલે,

સીતા રામ સીતા રામ  ધીમું બોલે.

મારા આંગણામાં પોપટ મીઠું બોલે,

સીતા રામ સીતા રામ  ધીમું બોલે.